كله بيشكى من احزانه

كله بيشكى من احزانه

كله بيشكى كله بيبكى
كله حزين بيقول مهموم
والناس تايهة ومش عارفين
مين الظالم مين مظلوم

مين بيبيع ويخون ويغشْ
والناس مالها بالفين وشْ
واللى تضحى بروحك ليه
تلقاه قاسى وميحسكشْ

دنيا غريبة بمليون معنى
بنخاف مالفرح ليوجعنا
ولاشايفين النار مالجنة
ولاعارفين لحياتنا طريق

ضاع الحب ضاع الاحساس
ماتت فينا قلوبنا خلاص
دور حتى وشوش الناس
ظالم تايه ويا برىء

كله بيشـكى من احزانه
فاكر ان العيب فى زمانه
وان الدنيا جيا عليه
مع انه لو حس بغيره
كان كفاه حظه ونصيبه
ورضى بالمقسوم ليه

كله بيشكى من احزانه