اشهر جمل بيقولها الاب والام

أشهر جمل بيقولوها الأب و الأم

...*...*...*...* ...*...*...*...*...*...*...*...*...*...

* ابقي نشف الحمام بعد ما تخرج منه.

* يا خويا ياراتك حافظ الدروس اللى عندك زى ما انت حافظ الاغانى كده .

* اعملى حسابك اول م الدراسه تيجى الرسيفر هيتشال هو
والتليفزيون.

*قبل الفجر:ارجع بات في المكان اللي انت جاي منه.

* لو كانت اللي علي التليفون طنط سلوي قوليلها ماما نايمة .

* ابقى قابلني بكرة تاخد بالجزمة وتاكل كل حاجة غصب عنك.

* يابنى حرام عليك هات قناة الناس الشياطين ماليه البيت.

* امشى جاتك مشش فى ركبك .

* جتها نيلة الى عايزة خلف تيجى تتفرج .

* متحطيش الموبيل جنبك و انت نايمه هيجبلك تخلف عقلي .

*ذاكر ياموكوس مش فالح غير فى الهيافه والكلام الفاضى.

* متتأخرش وهات عيش وانت جاى .

* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .

* كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.

* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).

*أوعا حد يضحك عليك ويقولك جرب السيجارة دي.

*ابقى ورينى مين حينفعك فى الاخر من شوية الصيع الى انت مشيلى وراهم .

* قوم اقرا لك كلمتين ينفعوك .

* وطي المدعوق ده شويه .

* مش ملاحقه علي التليفون ولا الموبيل عملالي فيها الست المهمه.

*لا محدش سئل عليكي النهارده ولا حد عبرك.

*لما ما ترضاش تاكل في البيت:طبعا مانت اتعودت علي اكل بره .

* عيـــب ... لازم تحترم اللي أكبر منك .

* لو شفت خناقه ما لكش دعوة بيها .

* كريم دا عيل بايظ وماتمشيش معاه تاني .

* مين منى دي انتى كل يوم تصاحبي واحدة جديدة ؟.

* هياا الوزيرة معندهاش وزاره النهارده قومى يا حبيبتى الساعه10 .

* انته مبتكلش جزر ليه .. اجيبلك برتقانه. طب كل سلطه .

* يبني بأسلوبك ده مش هتعيش معاك واحده .

* قومي ساعدي امك ده اللي هيتجوزك أمه داعية عليه.

* اوعى حد غريب يديلك حاجه تاكلها و تشربها و تاخدها منه .

* يا ابني حرام عليك الى بتعمله فينا ده.

* انا سايبالكوا البيت وماشية ومش حتشوفوا وشي تاني .

* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.

* وانت فاكر احنا مستنيين منك حاجه .

* المسلسل مش هينفعك ...قوم .

* ابقي قبليني لو فلحتي ...بس ديما مش بيقلوا نقبلهم فينّ!!! غربيه .

*مين اللي ساب باب التلاجة مفتوح.

* كفايه رغي في التليفونات .

* كل على مهلك .. وامضغ كويس ... وما تكلش وانت واقف .. وكل من قدامك ما تحفش .

* اطفي التلفزيون وقوم ذاكر ولا و خش اوضتك .

* بلاش تمشى حافى البس شبشب وانته داخل الحمام .

* ما فيش مذاكرة على المزيكا .. وازاى بتذاكر و البتاع ده شغال جنبك .

* ماتكلش فى ضوفرك.

*فلوسك بتروح فين يا هبله انتي بتصرفي على الصبيان؟؟.

*مع ان الواحد كل سنة بينجح و رغم كدة يقولولك ابقى تف على وشى لو نجحت كل سنة الكلام دة .

كنت فين لحد دلوقتى يا صايع.

* ماتتأخرش علشان عندك كلية بكرة بدرى.

* انا عارفة ازاى المك .

* انا : ياماما بقه ايه ده ؟؟؟
ماما:مووو لمـا يــــــخدك .

* ادلعى ياهبة فى ايامك المهببه .

* ده منظر اودة بني آدم ، انت عايش فيها ازاي؟.

* هو انا الخدامه الى ابوكم جبهلكم .

* الى يطلع من الاوضه يطفى النور وراه .

*أبوك عندك أهو اتصرف معاه .

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* يأبنى المذاكره مابتخلص .... نفسى اشوفك مره ماسك كتاب.

* اعمل حسابك مش حندخلك جامعه خاصه.

* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .

* مالكش دعوة بالسياسة .. وماتمشيش في مظاهرات .و امشي جوا الحيط .

* احمد ربنا الاكل الى مش عجبك ده فى ناس مش لقينه .

*والله لو منضفتيش الشقه ومسحتيها ما في نزول النهرده .

* قومي سخني الأكل لأخوكي.

* ابوكم كان دايم بيطلع الاول على الفصل... " لما كلهم كده امال مين الى بيطلع الاخير .

* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

* ( حضرتك راجع البيت متأخر و عاوز تتوه الموضوع وانت بتكلم مامتك )
انت : ماما عاملة ايه مش عارف ليه حاسس انك وحشتيني يا ست الحبايب
مامتك : وحش اما يلهفك كنت فين ياد يا صايع انت ؟ ايه اللى رجعك متأخر امبارح ؟؟

▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀

** ملحوظة هامة ومش لازم ننساها **

طبعا كلنا قرينا الكلام دة وطبعا كل اللي يقراه بيقعد يضحك لما يفتكر مواقف الجمل دي
بس طبعا أهم حاجة مش لازم ننساها فضل الناس دي علينا ولولاهم ما كنا وصلنا للي احنا فيه
تحية خاصة لكل الأمهات والأباء تحية شكر وتقدير

***************************************

الحاجات دى كلها حصلت معايا وخصوصا حكاية التليفون بس على فكرة التوبك دة جامد تسلم ايدك

نايس مازدا على التوبيك الرائع ده وبجد ده اللى بيحصل معايا فعلا
تسلم ويا ريت نستمتع معاك بمواضيع هايلة زى دى على طول

هههههههههههههههههههههههه جامده يا ماذدا وطبعا انت عارف اللي فيها Laughing

نايس توبيك يا مزدا
ونسيت حسبى الله ونعم الوكيل فيك
هههههههههههههههههههههههههههههه
ولا دى انا بس البسمعها فى البيت هنا ولا ايه

nice mazda

dandana

nice MAZDA
teslm edeak

ربنا يخليكوا يا جماعه و انا معملتش الا الواجب و هو ده اللى بيحصل فعلا و استنوا منى المزيد والمزيد

مشرف عدد الرسائل : 234 تاريخ التسجيل : 22/10/2008

جامد ياواد

احلى مافى التوبيك انه واقعى

نيس بجد يامزدا

مشرف عدد الرسائل : 308 تاريخ التسجيل : 21/10/2008

نايس توبك يا مزدا

ومنتظرين المزيد