قبل ماتبدأ بقراءة الموضوع أحذرك
لو مت من الضحك انا ماليش دعوه
كان فيه ولد مفلس
(ما عنده ولا جنيه)
راح لأبوه
وقاله :
ادينى 15 جنيه,,
عايز اشتري كوره
الأب :
أقولك غور من وشى انا مش ناقصك
الولد :
انا عايز 15 جنيه بس
طيب أقولك خيلها عشرة جنيه
الأب :
ما معاييش فلوس ...
لو عايز فلوس روح بيع الديك العيان بتاعك اللي بالحوش ..
الولد :
بس ده تعبان
ومافيش حد هيشتريه
الأب :
ماليش دعوه بيك...
دبر نفسك
الولد ساعتها استسلم للأمر الواقع
وخد الديك
أول واحد قابله في وشه
أكيد باباه....
قاله الولد :
تشتري الديك؟
الأب :
غوووور من وشى
والا اقوم افتح دماغك
الولد :
خلاص
خلاص ماتتنرفزش
خرج الولد من البيت ومعاه الديك
في محاولات يائسة إن الديك ينباع
عرض الديك على أهل الحارة كلهم
ولا واحد فيهم رضى يشتري الديك
قال الولد :
ممممممممم,
والله مافيش غير فلانة,,
عقلها خفيف وأكيد هقدر ألعب عليها بسهوله
فلانة دى
كانت وحدة متجوزه بس
للأسف
كانت بتلعب بديلها من ورى جوزها
راحلها الولد عشان يبيعلها الديك
الولد :
تشتري الديك
المدام :
ازيك ياحبيبي ..
تعال قرب مني عشان أبوسك بوسه خفيفة
الولد :
بقولك ايه انا مش فاضيلك..
خودي مني الديك وخليني أمشى
المدام :
تروح فين يا عمري!!
أنا ما صدقت إني شفت راجل عندي في البيت ...
الولد :
ومين اللي قاللك إن أنا راجل؟
خودي مني الديك وخليني أمشى
شويه
الباب بيخبط
خافت المدام
وقالت للولد :
تعال إستخبى هنا في الدولاب
لا يطلع جوزي و نروح فيها.
حطت الولد في الدولاب وراحت فتحت الباب
طلع صديقها اللي تخون جوزها معاه ..
المدام :
ازيك باعمري وياحياتي
الراجل :
اهلا بيك ياعمري...
الراجل مالحقش قال كلمتين
إلا والباب بيخبط
المدام :
يا لهووووووووووى....
دا شكله جوزى......
تعال وادخل في الدولاب
دخل الراجل في الدولاب
وفجأة
في عز الضلام سمع صوت بيكلمه جوه الدولاب
ويقوله :
تشتري الديك؟
الراجل
هسسسسسسسسسسسس
وطى صوتك الله يخليك
ما تفضحناش
الولد :
بقولك تشتري الديك؟
الراجل :
يا ابنى خلاص هاشتري الديك بس وطى حسك ...
الولد :
طيب
الراجل :
بس بكام تبيعه؟
الولد :
بــ 100 جنيه
الراجل :
ايه!!!!!!!!!!!! الديك المنتوف المريض بــ 100 جنيه
الولد :
وايه اللى عرفك أنه منتف و مريض ؟
المهم ها تشتري ولا ارفع صوتي؟
الراجل :
لا
لا
خلاص.....
هاشتري وأمري لله
قعدو 5 دقائق
الولد :
تبيع الديك؟
الراجل :
انت لسه بايعه ليا يابن الحلال!!
الولد :
تبيعهولى ولا ارفع صوتي؟
الراجل :
لا
لا
خلاص....
هببيعه وأمري لله....
بكام تشتريه؟
الولد :
بجنيه
الراجل :
أيه!! بجنيه!!!!
أنا اشتريته منك بـــ 100 جنيه وأنت تشتريه مني بجنيه!!!!!
الولد :
تبيعهولى ولا ارفع صوتي؟
الراجل :
لا
لا
خلاص....
هببيعه وأمري لله
قعدو 5 دقائق
الولد :
تشتري الديك؟
الراجل :
ياابنى دا انا لسه مشتريه منك!
الولد :
هاتشتري ولا ارفع صوتي؟
الارجل :
لا
لا
خلاص....
هاشتري وأمري لله.....
بكام هتبيعه؟
الولد :
بــ200 جنيه
الراجل :
الله يخربيتك......
لسه مشتريه منك بــ 100 جنيه
الولد :
هتشتري ولا ارفع صوتي؟
الراجل:
لا
لا
خلاص....
هاشتري وأمري لله
قعدو 5 دقائق
الولد :
تبيع الديك؟
الراجل :
إنَّا لله وإنا إليه راجعون.....
بكام تشتريه؟
الولد :
بجنيه
الراجل :
وانت عايزنى أقولك ايه!!
عايزنى اعيط ولا أشقق هدومي....
بص خد الديك وببلاش
بعد ما خد الولد الديك
شويه والمدام فتحت عليهم الدولاب
وقالتلهم :
يالله بسرعه اخرجو جوزى في الحمام..
بس واحد ورا الثاني وبشويش عشان ما يحسش
طلع الراجل ومشى
ولحقه الولد بعده ب5 دقائق
المهم...
الولد بقى بيتمشى في الشارع وهو فرحان إنه بقى معاه فلوس ..
بعدين روح البيت واول ما دخل البيت شاف باباه قدامه ..
راح قال لباباه:
تشتري الديك؟
الأب بصله والشرار طالع من عيونه
وقاله:
مش كفايه يا بن (.؟.؟.) الــ 300جنيه
اللي لطشتها مني في الدولاب
الخميس يناير 29, 2009 4:18 pm
