ياترى يا هل ترى .....حطيت قلبك فى التلاجة

اولا احب اشكر اللى قرا الموضوع وعلق علية بس احب انا اقول حاجة
مش شرط واللة ان الواحد اما يقول حاجة تكون عنة او بيحكى عن حاجة انها تكون واقع فى حياتة
ممكن تكون فى حياة حد يهمة انة يساعدة ويقف جمبة او حد قريب لية
وحتى لو كانت فى حياتة انا مش شايفة انة غلط ان الواحد يشوف راى اللى حولية فى موضوع شاغل بالة
لان ساعات الراى اللى بيجمعة دا بيكون مساعدة لية او خيط رفيع اوى هيريحة من حاجة جواة مش عارف يحلها




ثانيا : حابة انى اتكلم فى موضوع الحب الاولانى دة لانة اكيد اكيد صادف كل واحد
هو حاجة حلوة اوى ان يكون اول واحد يخبط على قلب مقفول لسة محسش رعشة الحب اللى بتيجى للواحد يكون حبيبى الاولانى والاخير يكون حياتى يكون روحى يكون املى يكون مالى حياتى وعقلى وقلبى ماهو اول انسان قعد جوة قلبى بقة



بس ياترى ممكن يجى اليوم اللى يكون فية الواحد حاسس ان حياتة انتهت والدنيا بقت سودا بعد اما ينتهى الحب دة ويحس بانة ذى ما يكون قلبة وقف او اتحط فى تلاجة وبقى بارد جدا تجاة اى حد يحس ببرود العاطفة ذى ما بيقولوا
وكمان ممكن يجرح كل اللى بيحاول انة يقرب منة انتقاما في نفسة اولا وفى اى حد يقرب منة لانة خايف بقة ليكون ذى الاولف ويسيبة بعد ما يحبة ويتعلق بية

طيب هو بيفضل كدة علطول العمر كلة ولا هيجى يوم ويجيلة واحد تانى يطلع قلبة من البرود دة للدفا تانى ياترى قلبة هيحس رعشة الحب دة تانى يبقى سعيد اما يسمع كلمة حلوة يبقى طاير لو شايفة يبقى فى الجنة لو معاة


مش عارفة بقة؟؟؟