الحب وماادراك ما الحب

الحب و ما ادراك ما الحب .. ركبى يسيبوا و قلبى يطب .. الحب الحب الحب!

كبيرة صغيرة .. طخينة رفيعة .. طويلة قصيرة .. حلوة أو وحشة .. سمرا و لا بيضا .. كل ده مش مهم مهما كان شكلك مهما كانت طباعك و صفاتك .. فيه حاجة فيكى مشتركة معانا كلنا .. و هو إحساسك بالحب و إحتياجك له لإنه يمتلك و يملأ عليكى كل حياتك .. و يحاوطك فى كل مكان .. هو ده الحاجة الوحيدة اللى مستحيل تزهقى منها مهما طاردتك .. إحساس جميل بيحسسك براحة غير عادية .. دنيا تانية ما حدش بيتمنى فيها حرية .. بالعكس سجن الحب بيكون أحلى بكتير من حرية الشرود فى لا شىء .. إحساس غريب بأن كل الناس حواليكى مجرد كائنات وهمية .. شخص واحد بس هو اللى حقيقى .. هو كل الحياة و كل الكائنات و كل الدنيا .. كلمة واحدة بس هى مفتاح الأمان و سر الإبتسامة الدائمة على ملامح الوجه كلها .. دنيا الخوف من المجهول تتلاشى أمام لحظة صفا و صدق و حنان .. حرية بلا حدود داخل إطار وردى شوكه لا يؤلم و إنما يذكر دائما بأن لحظة فى هذا الإطار تساوى أيام العمر كلها .. نظرات هادئة تحتوى بداخلها الحنان و كأنه عملاق قوى يلتهم كل مشاعرك لتصبحى فريسة ضعيفة بإراتك لتنعمى بمواساة القطة الصغيرة من قبل ما تحبين .. ابتسامات و همهمات كلها بواعث للبهجة التى تغمر قلبك فالحياة ستصبح فيها حبيب هو كل شىء و المحافظة عليه تعنى المحافظة على الحياة .. أفكار تتدفق فى خاطرك فيقرأها هو من داخل أعماقك و يمليها عليكى فى اذنك .. فتسلمى له كل شىء و تؤمنى بقوته الخارقة فى خلق السعادة و غرسها إلى روحك.
أنتى مع من تحبين ملكة متوجة و أميرة عاشقة من السهل أن تتنازلى عن تاج عرشك و تناديه بسيدى فى مقابل أن ترى صورتك لامعة فى ضوء عينيه .. أحضان الأيادى ليس عليها قيود و لم تعد لأى كلمة وجود ، فالأصابع تتكلم بلا أصوات و أنتى تشعرى بكلامها و تردى عليها بضمها و تتمنى فقط أن ترسل أصابعك إحساسها فى أقل من ثوانى .. أوقات كثيرة كثيرة و أيام و ساعات تمر عليكى و كأنها لحظات .. فحبه يسرق منك الحياة و أنتى تهنئينه على سرقته للحياة .. بل و ربما تتمنى أن تنتهى الحياة لحظة فراقه لتعود من جديد عندما تلتقين به .. كلمات تردديها لأول مرة لا تعرفى لها لغة و لا منشأ فهى لغة القلب و منشئها الحب و أنتى تكررى كل يوم معانيها دون أن تخططى لذلك فيتقبلها و كأنه أعلم منك بلغة قلبك و يستكمل ما تنسينه فى حديثك لتفاجئى بأنه هو من أوجد بداخلك هذه الكلمات .. فتتأكدى وقتها بأن ما تشعرين به هو "الحب الحقيقى" و لكن للأسف سينتهى كل شىء بمجرد إنتهاء الحلم و إستيقاظك من النوم .. فلا تحاولى أن تبحثى عن هذا الحب فى الحقيقة فلن تجديه سوى فى الأحلام!

كلام حلو اوى ويارب يسعد كل اتنين بيحبوبعض
بس تعملى ايه يامى لما يكون حبيبك بيبعدك عنه وعايز يكرهك فيه باى طريقه
وانتى حاسه ومتاكدة انه بيحبك
هو دا يبقي حب

لى راى اميره
فى هذه الحاله يبقى اكيد بيحبها بجنون

انا من راى هشام بس انتى لما توصلى لاخرك لازم تبعدى وهو اكيد هيوصلك
حتى لو كان بيبعدك عنة اكيد هيرجع

نايس توبيك مبمو
تسلم ايديكى
نهى صدقينى بيحبك جدا بس
انتى لازم تتجاهليه وهو اللى هيجرى وراكى

تسلم ايدك على ردك انت واسمعى يا اميرة النصيحة

اكــــــــــــــيد يعنى مبنعرفش ايمة الحاااااجة غير لماا بتبعد عننااا ..

داا رائى يا اميرة .

تسلم ايدك ياااا مى على الموضع الجااااااااامد داا وبجد انتى حاجة جميلة اوى ربناا يخليكى

تقبلى مرورى الوااااااد بودى

كلام جامد يا اميرة نيس توبيك بجد اشطة اية رايك بقى رينجو بنفسة بيسلم عليكى

تسلم على مرورك الجميل يابودى وفعلا مابنعرفش قيمة الحاجة الا لما بتضيع مننا

تسلم رينجو على سلامك دة وحاجة تشرفنى انك تسلم عليا

elmwdo3 7low awy tslm eydk

nice topic
rafe2

تسلم على مرورك الجميل دة يارفيق
ميرسى على التعليق

» هذا هو الحب يامن فشل في الحب
» نهر الحب
» نار الحب
» .....الحب هو
» ما هو سب فشل الحب